पूर्णपुष्टि, कार्तिक ३० । उदयपुरको त्रियुगा नगरपालिका वडा नं. १२ मा नेपाल कम्युनिष्ट पार्टी माओवादी केन्द्रले उम्मेदवार घोषणा तथा चुनाव प्रचार प्रसार सम्पर्क कार्यालय स्थापना गरेको छ ।
शुक्रबार माओवादी केन्द्रले चुनाव प्रचार प्रसार सम्पर्क कार्यालय उद्धघाटन गरेसँगै वडा अध्यक्ष पदको लागी नविन राई लाई उम्मेदवार बनाएको हो । आगामी मंसिर १६ गते हुने उपनिर्वाचनका लागि प्रचार प्रसारका लागि सम्पर्क कार्यालय र उम्मेदवारी घोषणा गरेको हो । पूर्व वडा अध्यक्ष चुडामणी काफ्लेको दुर्घटनामा मृत्यु भएपछि अध्यक्ष पद रिक्त अवस्थामा थियो । सम्पर्क कार्यालय उद्घाटन तथा उम्मेदवारी घोषणामा केन्द्रिय सदस्यदेखि कार्यकर्ता लगायत स्थानियको उपस्थिति रहेको थियो ।